Madinalag-on nga ginpatigayon sang Bombo Radyo Philippines kaupod ang Bombo Radyo Philippines Foundation, Inc kag ang Philippine Red Cross ang Dugong Bombo 2025 nga amo ang pinakadaku nga single-day voluntary bloodletting event sa pungsod.
Ang programa sang Dugong Bombo dungan nga ginpatigayon sa 25 key areas sa bug-os nga Pilipinas nga ginakabug-usan sang 32 fully digitalized Bombo Radyo kag Star FM stations.
Sa pihak sang kahalitan nga gintuga sang mabaskog nga bagyo kag mabaskog nga linog nga nag-igo sa pila ka mga rehiyon, nalabawan sang Dugong Bombo subong nga tuig ang record sang nagligad nga tuig.
Para sa Bombo Radyo Roxas sini nga tuig, ang kampanya madinalag-on nga nakatipon sang 87 ka bags sang dugo, ukon katumabas sang 39,150 cubic centimeters.
Sa pagbinuligay sang Bombo Radyo Philippines Foundation, Inc., kaupod ang Philippine Red Cross /Department of Health, sa bug-os nga pungsod, ang Dugong Bombo naka-generate sang kabug-usan nga 4,657 ka mga bags, katumbas sang 2,095,650 cubic centimeters, ukon 2,096 ka litro, ukon 554 ka galon, ukon 10 ka drum sang madinalag-on nga mga donor sang dugo.
Sa tunga sang padayon nga pagbangon sang pungsod gikan sa mga kalamidad, ang tuigan nga kahiwatan nagkuha sang mas madalom nga kahulugan.
Sa sulod sang halos duha ka dekada, ang Dugong Bombo nagserbe nga isa ka importante nga linya sang kabuhi para sa mga komunidad sa bug-os nga pungsod.
Sa tema nga “A Little Pain, A Life to Gain” ginahatagan pagtamod sang programa nga apisar ang pagdonar sang dugo nagadugay lamang sang pila ka minutos kag gamay lang ang ginatuga nga kasakit, makahatag ini sang isa pa ka tsansa nga mabuhi ang mga kasimanwa nga Pilipino.
Sa ngalan sang Bombo Radyo Philippines, ginapalab-ot namon ang amon hugot nga pagpasalamat sa tanan nga nagdonar sang dugo, madinalag-on man ukon indi, partners, sponsors, kag supporters.
Ang inyo kaluoy, pagkamaalwan, kag wala nagabag-o nga suporta padayon nga nagaluwas sang indi maisip nga mga kabuhi.
Tubtob sa masunod nga Dugong Bombo: A Little Pain, A Life to Gain Together, we give life!
