Dakop ang duha ka mga babaye sa entrapment operation sa Lipa City, Batangas matapos ginaalegar nang-extort sang kwarta sa isa ka 50-anyos nga lalaki kabaylo sang indi pag-report sa ginapahayag rape case batuk sa iya.
Naaktuhan ang mga suspek samtang nagabaton sang kapin P100,000 halin sa biktima sa isa ka convenience store.
Suno sa pulis, nakilala sang biktima online ang isa sa mga babaye kag nakigkita ini sa iya.
Ginaalegar gingamit sang suspek ang ila pagkitaay agud i-blackmail ang lalaki kag magpangayo sang P100,000.
Pagkatapos sang baydanay, nagpangayo pa gid sang dugang nga P110,000 ang babaye.
Nagpakita man ang mga suspek sang peke nga subpoena kag naggamit pa sang pangalan sang hepe sang Lipa City Police Station agud pahugon ang biktima.
Nadakpan ang duha ka suspek nga naga-edad 21 kag 28 kag nagapangatubang sang kaso nga robbery with extortion.
