Patay ang duha ka mga Pinay Overseas Filipino Workers (OFWs) matapos ginluthang sa Lebanon.
Ang mga biktima amo sanday alyas “Nora,” residente sang Antique, Iloilo, kag si alyas “Honeylet”.
Samtang ang gina-alegar nga suspek amo ang anak sang ila amo.
Suno kay Bombo Lilia Queliza, International Correspondent sa Lebanon, iya ginpahayag nga base sa initial nga imbestigasyon sang mga otoridad, posible nga nag-ugat ang insidente matapos madulaan sang $6,000 ang amo kag ginpasibangdan ang duha ka mga Pinay.
Dugang pa ni Queliza, nga lipod sa ihibalo sang amo nga ang nagkuha sa iya nga kwarta amo ang anak sini.
Ginpahayag man sini nga yara sa impluwensya sang makahulubog nga ilimnon ang anak sang amo sang natabo ang pagpangluthang.
Sa subong, padayon pa ang imbestigasyon sang mga otoridad sa nasambit nga insidente.
