Gin‑suspend ang duha ka U.s officers matapos nakita sa video nga indi matuod ang ila mga sworn statements parte sa shooting sang isa ka Venezuelan immigrant sa Minneapolis sang Enero 14,
Ini ang ginkumpirma ni Todd Lyons, acting head sang U.S. Immigration and Customs Enforcement (ICE).
Padayon naman ang imbestigasyon sang Department of Justice kag posible nga magapangatubang sila sa criminal charges tungod sa ila pagbutig.
Isa ka adlaw antes sini, ginbasura sang federal prosecutors ang assault charges batuk kanday Alfredo Alejandro Aljorna kag Julio Cesar Sosa-Celis, nga gintiro sa li-og sang ICE officer.
Ginpahayag ni US Attorney Daniel Rosen sa court filing nga ang nadiskubrehan nga ebidensya indi tugma sa alegasyon sang reklamo batuk sa duha ka lalaki.
