Arestado ang duha ka persona matapos ang ginkasa nga drug buy bust operation sa Barangay Bailan, Pontevedra, Capiz.
Ginkilala ang mga nagkaladakpan nga sanday alyas Bongbong, 53-anyos residente sang Barangay Bailan, Pontevedra, Capiz, kag live-in partner sini nga si alyas “Novie”, residente sang Barangay Culasi, Roxas City, Capiz.
Sa interview sang Bombo Radyo sa hepe sang Pontevedra Municipal Police Station nga si PMAJ. GREGG Anthony Salbang ginpahayag sini nga natigayon nga madakpan ang mag live-in partner pinaagi sa isa ka pulis nga nagpakuno-kuno nga pusuer buyer.
Suno kay Salbang, nakuha sa paghinakop sang mga ini ang tatlo ka sachets nga ginaalegar shabu, may kabug-aton nga tatlo ka gramos, kag Standard Drug Price P13,600, P1,500 ang buy-bust money kag 1 ka .38 revolver nga armas luthang kag tatlo ka mga bala.
Ginlapas sang mga ini ang kaso nga Republic Act 9165 ukon Comprehensive Dangerous Drugs Act of 2002 kag Republic Act 10591 ukon Comprehensive Firearms and Ammunition Regulation Act.
Sa karon yara na ang mga ini sa kustodiya sang Pontevedra MPS para sa nagakaigo nga disposisyon.
