DUMALAG, CAPIZ – Gindeklara nga Grand Winner ang banwa sang Dumalag sa probinsya sang Capiz sa Parada sang mga Bitoon: Giant Parol Competition 2025, ang highlight sang Paskwa sang Maragtas: Capiz Christmas Festival, isa ka province-wide nga selebrasyon sang Paskwa sang Capiz Provincial Government pinaagi sa Provincial Tourism and Cultural Affairs Office (PTCAO).
Sa interview sang Bombo Radyo kay Mr. Alfonsus Tesoro, Head sang Provincial Tourism and Cultural Affairs Office, iya ginpahayag nga 16 ka mga banwa ang nagpartisipar, lakip na ang Roxas City sa diin ginpakita ang creativity sang probinsya kag espiritu sang Paskwa.
Ang winning parols sa subong nga tuig amo ang masunod;
Grand Winner: Municipality of Dumalag
1st Runner-up: Municipality of Panay
2nd Runner-up: Municipality of Dumarao
3rd Runner-up: Municipality of Panitan
4th Runner-up: Municipality of Sapian
Ang winning entries kag iban pa nga parols halin sa mga nagpartisipar nga banwa ang ipabilin nga naka-display sa isa ka mall sa Pueblo de Panay tubtob sa Enero 5 agud hatagan sang tion ang publiko nga makit-an ang manami nga desenyo sang kada banwa.
Nahibaluan nga ang Paskwa sang Maragtas ang ginlunsyar sang tuig 2023 sa diin si Capiz Governor Fredenil Castro amo ang brainchild sini nga naga-highlight sang lokal nga kultura,
craftsmanship, kag ang espiritu sang Paskwa sa probinsya.
