ROXAS CITY – Magapatuman sang Energy Conservation Policy ang Roxas City Government sa ila sini tagsa ka mga opisina.
Sa interview sang Bombo Radyo kay Mr. Melvin Galagate, Head sang Roxas City Communications Group, iya ginpahayag nga ang nasambit nga polisa ang kabahin sang pagtuman sang Memorandum Circular No. 114 halin sa Office of the President nga ang tanan nga mga government agencies ang hugot nga mag-adopt sa energy conservation protocols.
Suno kay Galagate, lakip sa mga patakaran nga ipatuman amo ang mga masunod:
-Kinahanglan nga nakapatay na ang mga suga kada ‘las dose sang udto tubtob ala una sang hapon
-I-maximize ang paggamit sang natural lighting kun aga, buot silingon buksan ang mga bintana kag pirtahan sang kada opisina.
- Limitahan ang paggamit sang Air-conditioning units tubtob anum lang ka oras , halin 9:00 AM tubtob 4:00 PM.
-I-set ang mga Air-conditioning units nga indi magnubo sa 24°C.
- Patyon ang mga computer, printer, photocopier kag iban pa nga mga equipment kun wala ginagamit
Pahayag pa niya, ang indi magsunod sa amo nga polisa ang magapangatubang sang penalidad.
Dugang pa sang natungdan, kinahanglan ang pagbinuligay sa pagkinot sang kuryente kag gatong bangud sang krisis nga ginapangatubang sang pungsod tungod sang nagapadayon nga tension sa Middle East.
