ROXAS CITY – Patay ang isa ka menor de edad sa sampukanay sang isa ka closed-van kag motorsiklo sa Barangay Aglalana, Dumarao, Capiz.
Ang wala na ginhingadlan nga biktima ang naga-edad sang 15 anyos nga residente man sang nasambit nga lugar.
Base sa inisyal nga imbestigasyon sang Dumarao Municipal Police Station, padulong kuntani sa siyudad sang Passi ang biktima sang nabungguan sini ang kasugatan nga closed-van nga ginamaneho ni Roldan Tabernal sang Sara, Iloilo.
Bangud sang kabaskugon sang pagkabunggo, tumampilak sa dalan ang biktima kag nag-angkon sang mga patal nga pilas sa lawas.
Gindala pa sa ospital ang biktima apang gindeklarar nga dead on arrival.
Boluntaryo naman nga nagsungka sa mga kapulisan ang driver sang closed-van nga si Tabernal.
