Ginpili sang isa ka estudyante sa Canada nga mag-puli kag mag-commute lang sang duwa ka beses sa isa ka semana pakadto sa eskwelahan.
Apang, wait there’s more! Ang iya nga mode of transportation? Eroplano!
Pagdepensa sang estudyante, bangud mas daku ang iya matipid Kun magpuli siya kumpara sa mag-rent sang apartment nga malapit sa iya eskwelahan.
Sa Calgary naga-puli ang estudyante, sa diin 687 kilometers ang kalayuon sa University of British Columbia (UBC) sa Vancouver, Canada.
Suno sa iya, nga nagalab-ot lang sang 150 Canadian dollars ukon P6,000 ang roundtrip ticket sang estudyante kag ang renta naman sang one-bedroom apartment sa Vancouver malapit sa eskwelahan ang nagadangat sa 2,100 asta 2,500 Canadian dollars ukon P86,000 asta P102,000.
Gani, mas ginpili niya nga magsakay sa eroplano agud makatipid sa iya pagskwela.
