ROXAS CITY – Handa nga pamatud-an sang asawa sang isa sa tatlo ka katapu sang Sangay ng Partido sa Platoon East-Kilusang Rehiyon Panay o mas kilala nga Nonito Aguirre Sr. Command Eastern Front Panay nga wala sang kamatuoran ang mga alegasyon sa mister nga si Remy Beraye kag duha pa ka mga kaupod nga napatay sa encounter sa 61st IB sa Sitio Tigpaka Daku, Barangay San Antonio, Cuartero, Capiz nga nagapatigayon sila sang extortion activities sang magka-engkwentro sang militar.
Sa exclusive interview sang Bombo Radyo kay Atty. Geobelyn Lopez Beraye, asawa ni Remy Beraye, ginpahayag sini nga bisan san-o wala nadalahig sa anuman nga extortion activities ang iya mister apisar sadto sang buhi pa ini rason nga nagasakit ang iya buot nga akusahan ini sang kasubong nga butang.
Apang ginarespeto sini ang nangin statement sang 61st Infantry Battalion sang Philippine Army, bangud kabahin ini sang trabaho sang militar.
Apang kun magpaguwa sang statement ang New People’s Army kag hambalon nga katapu sang hublag si Remy tsekyaron ni Atty. Beraye sa legal nga proseso kun ginlapas sang militar ang rules of engagement ba-se sa international human rights law.
Kun mapatunayan naman nga indi katapu sang NPA si Remy, posible nga magpasaka sila sang criminal charges on human rights law.
Wala man napunggan ni Atty. Beraye nga magpaguwa sang kalain sang buot, bangud naluoy ini sa mga progresibo nga grupo nga masami ginabutangan sang malisya sang militar kun sila ang magtipon.
