Malipayon nga ginpaambit sang Filipina tennis star nga si Alex Eala nga nalakip siya sa listahan sang prestihiyoso nga 2025 MGM Macau Tennis Masters.
Suno sa iya, isa ka kadungganan nga makahampang sa torneo nga magasugod sa Disyembre 27 tubtob 28.
Una niya nga atubangon ang world number 9 nga si Mirra Andreeva sang Russia sa women’s singles sa Domingo.
Nahibaluan, naka-atubang na si Eala sa Russian tennis player sa 2022 US Open sa diin iya ini ginlutos agud mangin pinakauna nga Filipina junior Grand Slam champion.
Magaupdanay ang duha sa second-round finish doubles sa amo man nga torneo.
Magluwas diri, magahampang man si Eala sa mixed doubles kun sa diin updan siya sang ATP No.253 Jerry Shang sang China.
Madumduman nga bag-o lang nakapauli si Eala halin sa Southeast Asian Games kun sa diin gindala sini pauli ang pinakauna nga makasaysayan nga bulawan nga medalya.
