Possible nga mapangatubang sang death penalty ang isa ka Filipino-American nurse sa Florida, U.S.A, matapos gin-akusaran sang child sexual abuse kag pagtago sang mga video nga may kaangtanan sa pag-abuso sa kabataan.
Ang akusado amo si Schubert Navarroza Macarat, 41 anyos.
Suno kay Bombo Pinoy Gonzales, international correspondent sa U.S.A, iya ginpahayag nga ginpasakaan si Macarat sang 47 ka kaso, lakip ang 12 ka kaso sang sexual battery batok sa isa ka bata nga naga-edad sang 12 anyos.
Ginpahayag man ni Gonzales, nagtapos ini sa Cebu University of Visayas sang tuig 2009, kag nag-trabaho sa Middle East kag nag-kuha sa U.S State Board Exam kag naka pasa sa exam.
Dugang pa sini, nga suno sa lahi sang Estados Unidos, ginakabig pa nga inosente ang akusado tubtob nga wala pa napamatud-an sa korte nga nakasala ini.
Base naman sa imbestigasyon sang mga otoridad natukiban sa akusado ang apat ka terabyte nga hard drive nga nagaunod sang indi magnubo sa 3,000 ka mga video, lakip ang ginabanta 700 nga ginapahayag child sexual abuse material.
