Indi upang ang kapigaduhon sa kabuhi agud nga magpadayon sa paglab-ot sang handom sa kabuhi.
Ini ang nangin pahayag sang isa ka board passer sa nagtakop lang nga 2026 Civil Engineering Licensure Examination sang Marso 26 tubtob 27.
Sa interview sang Bombo Radyo kay Fernando Barrio III, passer sang nasambit nga pasinawan, iya ginpahayag nga wala sang mahapos sa pag-eskwela kag sa pagkuha sang amo nga kurso ilabi na kun wala sang maayo nga source of income.
Suno kay Barrio, pagtuo sa Dyos lamang ang iya ginapanghawiran agud malampuwasan ang mga pagtilaw nga iya naagyan padulong sa paglab-ot sang iya nga handom.
Si Fernando Barrio III, tumandok sang Barangay Cogon, Panay, Capiz, anak sang manug-pantat kag housewife nga nag-gradwar sa Capiz State University Main Campus sang 2025.
Mensahe sini sa mga nagahandom man nga mangin passer sa amo nga exam pareho niya, padayon lang sa pagtuon kag tagsa ka tini-on isa ka oportunidad rason nga indi dapat pagbalewalaon.
Nagapasalamat naman ini sa iya pamilya, ilabi na sa iya nga mga ginikanan sa tanan nga suporta nga ginhatag sa iya kag sa mga tawo nga nagbulig agud malab-ot ang iya nga handom nga mangin lisensyado nga engineer.
