Ginkumpirmar sang Malacañang nga ginbaton na ni Former Philippine National Police (PNP) General Nicolas Torre III ang pagsaylo sang iya four-star nga ranggo kay acting PNP chief Lt. General Jose Nartaez Jr.
Suno kay Palace Press Officer Undersecretary Claire Castro, personal niya nga naistorya si Torre kag may yara lamang sang indi paghangpanay angut sa iya nauna nga pahayag nga indi siya magkuha sang optional retirement.
Dugang pa ni Castro, nakahibalo man si Torre nga bangud ginbaton niya ang appointment ni President Ferdinand Marcos bilang General Manager sang Metropolitan Manila Development Authority (MMDA), nagakadapat nga ipasa ang ranggo kay Nartaez.
Ginpanginwala man ni Castro nga may yara sang dugang nga pagsinapol suno sa ginhingyo ni Torre nga luyag sang dayalogo sa tunga sang Presidente kag sang National Police Commission (NAPOLCOM) angut sa nasambit nga bagay.
