-- ADVERTISEMENT --
Daog ang Phoenix Super LPG Fuel Masters sa score nga 101-98 batok sa Magnolia Chicken Timplados Hotshots sa ila pag-abri sang kampanya sa Philippine Basketball Association Season 50 Commissioner’s Cup sa Ninoy Aquino Stadium sa Manila.
Bisan pa sa kusog nga paglagas sang Magnolia, napunggan sang Phoenix ang rally kag napreserbar ang ila abanse tubtob sa katapusan sang duwa. Ang kadaugan naghatag man sang unang panalo kay coach Charles Tiu sa iya debut bilang head coach sang Phoenix sa PBA.
Import sang Phoenix nga si James Dickey nanguna sa performance sang Fuel Masters kag nagbulig daku sa ila pagkuha sang opening win sa torneo.
