Gin-ako na ni Gilas Pilipinas head coach Tim Cone ang indi mapatihan nga pagkapiyerde nila sa Chinese Taipei sa last window sang FIBA Asia Cup Qualifiers.
Ginpahayag sini nga kinhanglan nga ginapreparahan nila maayo talagang ang nasambit nga hampang.
Ini ang una nga pagkapiyerde sang Gilas Pilipinas sa Chinese Taipei sumugod sadtong 2013.
Ginpanindugan sini nga madamo sang sala nga nahimo ang Gilas kag wala sang dapat basulon sa ila kapyerdihan kundi ang coach.
Madumduman nga ginlutos sang Chinese Taipei ang Gilas Pilipinas sa score nga 91-84 sa ila hampang sini sadtong Huwebes sang gab-i.
Pila sa mga makabig nga yabi sa kadalag-an sang Chinese Taipei amo ang duha ka naturalized player nila nga sanday Mohammad Al Bachir Gadiaga kag Brandon Gilbeck .
May yara sang apat ka daug kag isa ka piyerde ang Gilas sa Group B kun sa diin maka-atubang nila ang New Zealand sa adlaw sang Domingo kag ang magadaug kilalahon bilang group winners.
