Ginang, ginareklamo ang ila kaingud-balay nga nagpangtaya sang binangon sa iya bana

ROXAS CITY – Nagpa-rekord sa Roxas City Police Station ang isa ka ginang agud ireklamo ang iya nga kaingud-balay sa Barangay Balijuagan, Roxas City.

Ginkilala ang tagreklamo nga si Jenefer Hofius, residente sang nasambit man nga lugar.

Ginareklamo ni Hofius ang ila kaingud-balay nga si Leonardo Bade.

Base sa iya alegasyon, sadtong Marso 15, gintayaan ni Bade sang binangon ang iya bana nga isa ka foreigner.

Magluwas diri suno sa iya, nagtuad pa sang malain nga mga tinaga si Bade batuk sa iya bana.

Suno diri nga nahangawa sila nga mga residente kay Bade bangud magluwas sa masami ini may nakataklos nga binangon, ginaalegar nga may ginahuptan pa ini nga armas-luthang.