ROXAS CITY-Personal nga nagpadulong sa bombo radyo ang isa ka ginang agud ireklamo ang ila sini nga punong barangay nga tubtob sa karon wala pa maaksyonan ang ila nga problema natuhoy sa ginsiradhan nga dalan sa Barangay San Pedro, Pilar Capiz.
Sa interview sang Bombo Radyo sa kay Mila Bargo ginpahayag sini nga ginsaradhan sang mag-asawa nga Rudy kag Theresa Azucena ang karsada nga nagserbi nila nga alagyan apisar nga indi ini sila mga tag-iya sang amo duta.
Suno kay Bargo nga maga isa na ka tuig ang ila nga problema apang tubtob subong wala pa ini mahatagan sang solusyon ni Punong Barangay Zenaida Bonzo.
Suno sa ginang nga nabudlayan ini sila mag-agi sa lugar bangud sirado kag tuman ka delikado nga mag-agi sa pihak nga alagyan bangud nagapangagat ang ido nga ila nga masugat-an.
Gindugang pa sang ginang nga makatatlo naman ini sila kabeses nga ginhusay sang lupon apang wala ini sa guihapon mahatagan sang pagtamod.
Mahibaluan nga pakaisa ni Bonzo ang bana sang ginareklamo nga rasun nga nagaduda ang taga reklamo nga indi sini mahatagan sang patas nga solusyonan ang amo nga butang.
