ROXAS CITY – Tuman ang kalipay kag pagpasalamat sang isa ka ginang matapos naka-avail sang libre nga eye check-up sa tuigan nga proyekto sang Bombo Radyo Philippines, ang Bombo Medico 2019 nga ginpatigayon sa Capiz Gymnasium sa Villareal Stadium, Barangay Tiza, Roxas City.
Suno kay Lorena Barte sang Barangay Culasi, Roxas City nga wala pa nagabutlak ang adlawm nagpila na ini bangud nahibaluan sini nga madamo ang magapadulong sa venue para makigbahin sa nasambit nga aktibidad.
Wala man napunggan nga magtulo ang luha sang ginang sang makabaton sang libre nga eye glasses, bangud suno diri nga madugay na niya ini ginpangamuyo kag karon lamang nahatagan sang katumanan.
Ginpasalamatan man sini ang Bombo Radyo bangud madamo ang nabuligan sang Bombo Medico pinaagi sa mga serbisyo nga ginahatag sa mga pigado nga mga Pilipino.
