Ginpalawig sang gobyerno sang dugang nga 30 ka-adlaw ang rice import ban agud mabuligan ang mga lokal nga mangunguma sa tunga sang naganubo nga presyo sang humay.
Suno kay Department of Agriculture Secretary Francisco Tiu Laurel Jr., gin-aprubahan ni Presidente Ferdinand R. Marcos Jr. ang desisyon, nga mahimo magdugay tubtob sa katapusan sang tuig depende sa sitwasyon sang merkado.
Halin sa anay P14 tubtob P17 kada kilo, nagsarurot ini sa P8 kag P6 sa pila ka lugar ang buying price sang humay bangud sa pag-ulan kag indi bastante sa pagpamala sang gin-ani.
Bangud sini, nagabuligay ang Department of Agriculture, National Food Authority, kag ang Presidente agud gilayon nga mahatagan sang igtalupangod ang krisis.
Lauman man nga posible nga ibalik sa 35% ang taripa sa imported rice halin 15% subong, pagkatapos sang banning, suno sa ahensya.
