Natalana nga ipaguwa sang gobyerno sa masunod nga mga inadlaw ang membership details sang independent body nga amo ang magaimbestiga sa maanomaliya nga flood control projects nga naangot sa corruption allegations.
Suno kay President Ferdinand Marcos Jr., separado sa gobyerno ang independent body nga pagabug-osan sang abogado, imbestigador kag forensic accountant nga magatrabaho kaupod sang National Bureau of Investigation para sa aspeto sang imbestigasyon kag sang Commission on Audit para sa impormasyon.
Ang independent commission ang may yara sang recommendatory role kag ginalauman nga magpasa sang ila matukiban sa Department of Justice ukon sa Office of the Ombudsman para sa nagakaigo nga pagpasaka sang kaso.
Matandaan nga sang nagligad nga semana, nagmandu si Marcos sang pag-review sang ginaduso nga pondo sang Department of Public Works and Highways sa idalom sang National Expenditure Program bilang ahensya nga nagapatuman sang mga flood control projects sa pungsod.
