-- ADVERTISEMENT --
Nangin madinalag-on ang Golden State Warriors sa una sini nga hampang subong nga season matapos tambakan ang Portland Trailblazers sang 35 points, sa iskor nga 139-104.
Naghimo si NBA superstar Stephen Curry sang 17 ka puntos, 10 ka assists, 9 ka rebound performance samtang 20 ka puntos naman ang kontribusyon ni Andrew Wiggins.
Ang bag-o nga bench sang grupo nga si Buddy Hield ang nangin dalan sa episyente nga opensa sang grupo matapos siya ang nagkamada sang 22 ka puntos sa sulod lamang sang 15 ka minutos nga paghampang.
Ang 35 points nga margin sa tunga sang duha ka grupo amo ang pinakadako nga margin nga nahimo sang Warriors sa mga opening game sini sa bug-os nga kasaysayan sang grupo.
