Granada, boluntaryo nga ginsungka sa mga kapulisan sa banwa sang Dumarao

Boluntaryo nga ginsungka sa mga otoridad ang isa ka granada sa Barangay Dacuton, banwa sang Dumarao.

Sa nakuha nga impormasyon sang Bombo Radyo nagikan sa 2nd Capiz Provincial Mobile Force Company, boluntaryo nga ginsungka sa ila talatapan sang isa ka pumuluyo ang isa ka round sang rifle grenade ukon granada nga wala sang serial number sa nasambit nga lugar.

Mahibaluan nga ini ang bunga sang mas ginpasangkad nga kampanya sang Tokhang Kontra Armas-luthang ukon TKAL agud mapabilin ang kalinong kag katawhay sang palibot.

Sa karon, yara na sa kustodiya sang 2nd Capiz Provincial Mobile Force Company ang nasambit nga granada para sa nagakaigo nga disposisyon.