-- ADVERTISEMENT --
Ginpanginwala sang aktres nga si Gretchen Barretto ang ginaalegar kahilabtanan sini sa mga missing nga manug-bulang matapos nga gintumod siya bilang suspek sa insidente.
Suno kay Atty. Alma Mallonga, legal counsel ni Barretto, ang iya kliyente ang isa lamang sa 20 ka mga investors nga ginatawag bilang alpha members sa e-sabong operations.
Kahapon, ginpahayag ni Justice Sec. Jesus Crispin Remulla nga si Barretto kag ang negosyante nga si Atong Ang ang ginakonsidera na nga suspek sa kaso kag kinahanglan nga maimbestigaran.
Ini matapos gintuad sang isa sa mga akusado nga si Julie “Dondon” Patidongan, alyas Totoy, nga si Ang amo ang ginaalegar mastermind sang abductions kag mangin ang aktres ang nakahibalo sang mga natabo.
