Gretchen Barretto kag Claudine Barretto, liwat nga nag-updanay sa haya sang ila nga iloy nga nagtaliwan nga si Inday Barretto

Liwat nga nag-updanay ang mag-utod nga si Getchen Barretto kag Claudine Barretto sa haya sang ila nagtaliwan nga iloy nga si Inday Barretto.

Sa isa ka Instagram post , gin-share sang isa pa nila ka utod nga si Joaquin ang mga litrato upod ang iya utod  nga sanday Gretchen kag Claudine.

Sa isa pa ka litrato, makit-an man si Claudine nga nagasandig sa abaga sang iya magulang nga si Gretchen.

Apisar wala sa mga picture ang isa nila kautod nga babayi nga si Marjorie,  naghatag man ini sang tribute sa ila nagtaliwan nga iloy sa iya social media account.

Nahibaluan nga sang Enero 29, nagtaliwan na ang Barretto Matriarch nga si Inday Barretto sa edad nga 89.