Grupo sang mga mangingisda nga disgustado sa polisiya sang gobyerno nagpicket

ROXAS CITY – Nagpicket sa atubang sang provincial capitol ang kapin sa 50 ka mga katapu sang PAMALAKAYA kag ginpanawagan sa gobyerno ang promesa nga food for work program nga wala gintuman.

Suno kay Vicente Ocsing nga ila ginakontra ang polisiya sang gobyerno nga nagapabor lamang sa dalagkuan nga sakayan pandagat kag sila nga magagmay nga mangingisda ang ginaipit kag ginapabudlayan.

Nahibaluan nga ginpintahan sang pila ka mga mangingisda ang ila kaugalingon agud mapakita sa gobyerno ang sentimyento kag kabudlayan nga ila ginapas-an labi na nga tigbalaskog kag indi sila makapalawud.