ROXAS CITY -Hugot ang pagpamalabag sang Capiz Tricycle Drivers and Commuters Alliance ukon CTODCA sa natalana nga pagbiyahe sang mga mini-buses sang Panay Island Transport Services Coop. sa siyudad sang Roxas.
Ini ang ginpahayag ni Mr. Ian De Pedro sang nasambit nga grupo sang mainterview sang Bombo Radyo.
Ginpahayag ni De Pedro nga indi paborable sa mga tricycle drivers ang pagbiyahe sang mga mini-buses bangud makabig ini nga pagpatay sa ila palangabuhianan.
Suno kay De Pedro nga dako ini nga kompetensiya para sa ila bangud wala na sila sang makuha pa nga pasahero.
Gindugang pa sini nga indi patas ang ila sitwasyon sa pagbiyahe bangud isa lamang ka pasahero ang ila ginapasakay sa tricycle.
Samtang natalana naman nga mag-apelar sa Land Transportation and Franchising and Regulatory Board (LTFRB) kag sa lokal nga gobyerno sang siyudad ang nasambit nga grupo.
