Nagtaliwan na ang Original Pilipino Music (OPM) veteran nga si Hajji Alejandro, sa edad nga 70-anyos nga kilala sa iya kanta nga “Kay Ganda ng Ating Musika.”
Ginkumpirmar ini sang iya pamilya pinaagi sa isa ka pahayag, kun sa diin naghinyo man sila sang privacy samtang nagapangasubo.
Nahibaluan nga si Alejandro ang madugay na nga nagapakigbato sa stage 4 colon cancer nga naglapta na sa iya nga baga kag atay.
Sadtong Disyembre 26, 2024, ginsaulog pa sini ang iya nga kaadlawan kaupod ang mga pinalangga sa kabuhi.
Ginkilala nga “Kilabot ng mga Kolehiyala,” ang singer nga nagsugod sa industriya bilang miyembro sang Circus Band, nga gin-umpisahan man sang pila ka OPM legends kasubong nanday Basil Valdez kag Tillie Moreno.
Ginbilin ni Alejandro ang iya nga mga anak nga sanday Rachel, Barni, kag Ali Alejandro nga padayon nga dumdumom ang ila amay bilang isa sa mga haligi sang OPM.
