Naglab-ot na sa kapin P2.93 billion ang balor sang halit nga ginbilin sang sunod-sunod nga bagyo sa sektor sang agrikultura sa pungsod.
Sandig sa report sang Department of Agriculture Disaster Risk Reduction and Management Operations Center (DA-DRRMO), gintipon ang nasambit nga balor sang kahalitan gikan sa Bagyo Mirasol, Super Typhoon Nando, Severe Tropical Typhoon Opong kag sa mga ulan sang hangin Habagat.
Daku nga bahin ang nabalhag sa rice industry.
Pahayag pa sang Department of Agriculture, naglab-ot na sa 102,000 ang mga mangunguma ang apektado, samtang ang bahin sang ulumhan nga nahalitan ang nagalab-ot sa 84,267 ka ektarya.
Nagresulta man ang mga bagyo sang pagkaguba sang 213,164 metric tons (MT) sang mga produkto sa agrikultura.
Gina-estimate nga magataas pa ang balor sang kahalitan samtang padayon ang pagmonitor kag pag-validate sang danyos nga dala sang Bagyong Paolo nga nagluntad sa Northern Luzon.
