Posible nga bag-uhon sang Anti-Political Dynasty Bill ang pagdumala sang politika sa Pilipinas suno kay House Committee on Suffrage and Electoral Reforms chairperson Rep. Zia Alonto Adiong.
Base sa datos sang COMELEC nga gin-usisa sang komite, may mga 9,852 ka elective positions sa gobyerno nga ginahawiran ukon ginakandidatohan sang mga pamilya nga ginakabig nga political dynasty.
Sa tion nga mapasar sang House committee version ang Anti-Political Dynasty Bill sa diin ginadumilian ang political dynasties tubtob sa second-degree consanguinity ukon affinity, posible nga masobra sa 5,000 ka elective positions ang maapektuhan sini.
“Given the data we have, we can see that it is inaccurate to say that the committee version will not have an impact. The numbers say otherwise,” ang pahayag ni Adiong.
