Hollywood aktress nga si Kristen Stewart, nagpakasal na sa iya nobya

Nagpakasal na ang Hollywood actress nga si Kristen Stewart sa iya nobya.

Ang aktres nagpakasal sa iya partner nga si Dylan Meyer sa isa ka suod nga seremonya sa Los Angeles.

Lakip sa mga bisita amo ang mag-asawa nga sanday Ashley Benson kag Brandon Davis.

Nakuha nila ang ila marriage license sa Los Angeles County.

Nagkilalahay ang aktres kag screenwriter sang 2013, apang nagsugod ang ila relasyon sang 2019 sang nagbulagay ang aktres sa iya ex-girlfriend nga si Stella Maxwell.

Ginbuyagyag sang duha ang ila relasyon sang 2021.