Ginbalibaran ni US President Donald Trump ang proposal sang Iran para sa pito ka adlaw nga ceasefire kag gin-anunsyo sa iya mga opisyal nga ginalauman sini nga padayon nga bombahon sang Amerika ang Iran pagkatapos sang midterm elections sa Nobyembre.
Base sa mga opisyal sang US, magapabilin nga nagapangduhaduha si Trump kon matuman sang Tehran ang mga kondisyon nga ginapangayo sang Amerika sa pihak sang padayon nga negosasyon sa bulig sang mga regional mediators.
Sa idalom sang proposal sang Iran, ginapangabay sini ang US nga dulaon ang naval blockade, buhian ang pila sang iya mga frozen assets, kag pahagan-haganon ang mga sanksyon sa pagbaligya sang langis kabaylo sang pagbukas liwat sang Strait of Hormuz kag pagpadayon sang nuclear negotiations.
Apang pormal nga ginpalab-ot sang Estados Unidos sa Iran kag sa mga manugpatunga nga wala sila sang plano nga dulaon ang maritime blockade sa mga pantalan sang nasambit nga pungsod.
Samtang indi pa maathag ang sakop sang ginbag-o nga pag-atake sang militar sang Amerika kag ginhatagan pagtamod sang mga opisyal nga mahimo pa nga magbag-o ang panindugan ni Trump samtang nagapadayon ang paghambalanay.
