ROXAS CITY – Nagalaum ang presidente sang Integrated Bar of the Philippines-Capiz Chapter nga paboran sang korte suprema ang resolusyon nga nagahinyo sang “timeout” sa mga empleyado sang Roxas City Hall of Justice.
Sa interview sang Bombo Radyo kay Atty. Remia Fuentes ginapahayag sini nga nagdihon sang resolusyon ang IBP-Capiz Chapter nga nagahinyo sang time-out ukon 14-day moratorium sa mga aktibidades sang Roxas City Hall of Justice.
Suno kay Fuentes nga dako ang bulig sini agud malikawan ang paglapta sang virus kag maproteksyonan ang mga empleyado, kliyente kag mga in-mates nga nagapadulong sa nasambit nga edipisyo.
Nagapati ang IBP nga kun malimitahan ang transaksyon sa Hall of Justice, malikawan man ang paglapta sang amo nga virus.
Gindugang pa sini nga kabahin ini sa sabat sang IBP-Capiz sa panawagan sang siyudad nga “TIME-OUT”.
