Gin-aprubahan sang International Criminal Court (ICC) Trial Chamber III ang pangabay sang prosekusyon nga i-freeze ang anuman nga kantidad nga nakumpiska kay former President Rodrigo Duterte pagkatapos sang iya pag-aresto sang Marso 2025.
Suno sa isa ka dokumento nga ginpaguwa sang Hunyo 26, ang mando ang may kaangtanan sa motion nga gin-file sang prosecution sang Mayo 1.
Apang wala pa ginpahibalo sa publiko ang eksakto nga kantidad sang kwarta nga nakumpiskar sa anay presidente. Magluwas sini, naghingyo man ang piskalya nga ma-access ang iban pa nga mga items nga nakumpiska kay Duterte bilang kabahin sang ila imbestigasyon.
Suno kay Atty. Peter Haynes, wala sang bastante nga rason ang prosekusyon agud i-angot ang mga liyabe sa ginaalegar nga mga krimen
Dugang pa niya, ang pag-usisa sa mga liyabe indi dapat gamiton sa pagpangita sang ebidensya nga magapakamatarong sang amo nga pangabay.
Samtang, naghingyo man ang depensa nga limitahan sang prosekusyon ang access sa personal nga impormasyon ni Duterte kag sang iya pamilya nga indi relevant sa imbestigasyon.
