Ginbasura sang International Criminal Court (ICC) ang request sang kampo ni Foremer President Rodrigo Duterte nga i-disqualify ang tatlo ka mga abogado sang mga biktima sang drug war.
Sa siyam ka pahina nga redacted version sang desisyon nga ginhimo sa publiko, ginpahayag sang chanmber nga ang mga argumento sang depensa napaslawan sa pagpakita sang conflict of interest sa bahin sang mga abogado nga si Atty. Joel Butuyan kag Atty. Gilbert Andres, sa idalom sang article 16 sang Rome Statute.
Matandaan nga naghingyo man ang legal team sang ni Duterte sa Chamber sadtong Pebrero 11 nga mandoan ang ICC Registry nga i-suspend ang access nanday Atty. Butuyan, Atty. Andres kaupod si Atty. Nicolene Arciana sa record sang kaso samtang nagahulat sang desisyon.
Nahibaluan nga gingamit sang depensa ang ginaalegar nga “impediment to representation” bilang rason, nga nagasiling nga sanday Butuyan kag Andress may yara sang professional relationship kay Arciana nga mahimo maghatag sang impresyon sang bias kag makaapekto sa integridad sang mga proceedings nga pagahiwaton.
Apang, ginbasura sang ICC ang argumento kag wala gintugutan ang disqualification.
