Ginpasalig sang International Criminal Court (ICC) nga mangin patas, impartial kag independent sila sa pagapatigayunon nga status conference batok kay former President Rodrigo Duterte.
Suno kay ICC spokesperson Oriane Maillet, ginhatagan nila sang nagakaigo nga tion ang defense team sang ni Duterte para sa nagahilapit nga hearing sa iya ginapangatubang nga kaso nga crimes againts humanity.
Dugang pa sini nga ginapaathag nga ang ICC hearing mangin malapad kag mas malawig ini kon ipaanggid sa national level.
Bangod ini nga sahi sang krimen nagakinahanglan sang madamo nga ebidensiya nga ipresentar sa korte kag madamo nga mga hangkat ang dapat atubangon sa hearing.
Pahayag pa sini nga itugyan nila sa mga trial judges ang pagtalana sang schedule para sa pagbukas sang hearing base sa pagsumite sang mga partido sa kaso.
Matandaan nga sadtong Abril 23, ginkumpirma sang ICC Pre-Trial Chamber ang crimes againts humanity batuk kay Duterte.
Pagahiwaton sang Pre-Trial Chamber 3 ang status conference batuk kay Duterte sa palaabuton nga Mayo 27.
