Isa ka dachshund nga ido sa Texas, U.S., ang nagpakita sang iya tumalagsahon nga talento pagkatapos nga nakarekord siya sang Guinness World Record para sa titulo nga “most plastic bottle caps removed by a dog in one minute”.
Ang apat ka tuig nga ido nga si Jerry madinalag-on nga nakakuha sang 11 ka mga takup sang botelya, nga opisyal nga ginkilala sang Guinness.
Suno kay Sathya, ang abilidad ni Jerry isa ka “in-built talent” ukon natural nga kalidad kag indi resulta sang anuman nga paghanas.
Para kay Sathya, ang kadalag-an ni Jerry indi lamang isa ka damgo nga natuman. Luyag man nila nga ipalab-ot ang isa ka mensahe sa bug-os nga kalibutan.
Ang pinasahi nga rekord ni Jerry wala lamang naghatag sang kalipay sa iya pamilya kundi nagapakita man nga bisan ang simple nga kalingawan ang makahatag sang pagkilala sa bug-os nga kalibutan.
