Liwat nga gintuad sang mga lider sang Kamara de Representantes nga wala sa agenda sang House of Represenattives ang pag-file sang impeachment complaint batuk kay Vice President Sara Duterte.
Dugang pa nila Senior Deputy Speaker Aurelio “Dong” Gonzales Jr., Deputy Speaker David “Jay-Jay” Suarez, kag House Majority Leader Manuel Jose “Mannix” Dalipe kasunod sang pag-init sang usapin natuhoy sa posible nga pag-file sang impeachment complaint batuk kay Duterte agud makakas ini sa puwesto matapos ang ginhimo nga pagpamahog kay Presidente Ferdinand Marcos Jr.
Ginpunto nila Gonzales, Suarez kag Dalipe nga apisar seryoso ang Kamara nga magka-transparency kag accountability sa gobyerno nakatuon suno ang mga imbestigasyon sang mga komite sini sa paghukay sa kamatuoran.
“Let us work together to ensure that governance remains focused on what truly matters—delivering results and improving the lives of our people – while fulfilling all constitutional mandates with integrity and impartiality,” dugang pa sang mga ini.
Sa idalom sang Konstitusyon, posible nga mag-file sang impeachment complaint ang sinuman nga Pilipino batuk sa sinuman nga impeachable nga opisyal sang gobyerno. Apang, ang petisyon ang kinahanglan nga i-endorso sang isa ka miyembro sang Kamara para maaksyunan ini sang Kapulungan.
Ang mga hilikuton sang Kamara sa impeachment, nagasaad sang proseso kag mga timeline para sa pag-aksyon sa isa ka impeachment complaint.
Ang isa ka impeachment petition nga ginpirmahan sang indi magnubo sa one-third sang tanan nga miyembro sang Kamara ang posible na nga isaka gilayon sa Senado para sa pagahiwaton nga hearing.
