-- ADVERTISEMENT --

Posible nga ipasaka ukon i-refile ang impeachment complaint batuk kay Vice President Sara Duterte sa idalom sang 20th Congress sa Pebrero 2026.

Suno kay House Committee on Public Accounts Chairman nga si Terry Ridon, kon ang Korte Suprema magsakdag sang iya una nga desisyon nga nagadeklarar sang mga Artikulo sang Impeachment nga “indi konstitusyonal.”

Sa isa ka press conference, ginpahayag ni Ridon nga mahimo sa gihapon ang basehan sang karon nga Articles of Impeachment, kaangay sang isyu sang anomaliya nga paggamit sang confidential funds, kag pamahog sa kabuhi ni Pang. Ferdinand Marcos Jr., First Lady Liza Araneta-Marcos kag House Speaker Ferdinand Martin Romualdez.

Gani kun i-refile, maga-agi ini liwat sa impeachment process, apang may yara sang mga bag-o nga requirements nga dapat himuon kag kun ano ang pamaagi ukon kon bala yara ini sa Justice Committee ukon plenary, apang ang importante suno sa iya amo nga may yara sang responsable.

Ginpahayag ni Ridon nga hulaton pa sang Kamara ang resulta sang motion for reconsideration kun ano ang matabo diri, didto liwat istoryahan sang mga kongresista.

-- ADVERTISEMENT --

Nagapati ang Kongresista nga mas maayo nga i-archive na lang ang Articles of impeachment kag indi na pag-i-dismiss.

Bangud kon baliskaron sang Korte Suprema ang ila desisyon, mahimo nga mabuhi ang impeachment.