Ginkakas na sang Department of Agriculture (DA) ang temporary ban sa pag-import sang mga buhi nga kanding nagikan sa Estados Unidos.
Mahibaluan nga ang ban ginpatuman sadtong Hunyo kadungan sang positive QFever cases nga napagkit sa pila ka mga imported nga kanding sa pungsod.
Ang QFever, isa ka sakit nga nakaapekto sa mga kanding, tupa kag baka nga zoonotic, buot silingon posible nga mapasa sa tawo.
Suno sa ahensya nga wala pa sang napagkit nga kaso sang QFever sa tawo sa Pilipinas.
Base sa pinaka-ulihi nga impormasyon nagikan sa World Organization for Animal Health, wala sang napagkit nga kaso sang Q Fever sa US.
Samtang ginrekomendar sang BAI ang pagkakas sang ban, kag ginpaguha sang Secretary ang Memorandum Order 43.
Matandaan nga sadtong Hunyo, napagkit sang BAI ang una nga kaso sang QFever sa pungsod nagikan sa 94 nga kanding nga na-import nagikan sa United States kag ginadala sa Santa Cruz, Marinduque.
