Narekord ang ikaduha nga fatality sa subong nga Marso-Mayo climbing season 2025 sa pinakamataas nga bukid sa kalibutan, ang Mt. Everest.
Ini matapos nga nadulaan sang kabuhi ang Indian mountaineer nga si Subrata Ghosh, 45-anyos samtang nagapanaug sa bukid matapos nga nakalab-ot sa putukputukan sang 29,000-foot nga putukputukan sang Mt. Everest sini nga Huwebes.
Suno kay Bodha Raj Bhandari sang Snowy Horizon Treks and Expedition, si Ghosh daw kapoy kag nagapakita sang mga senyales sang altitude sickness.
Ginpahayag nga nagpamalibad man nga magpanaog sa Hillary Step ang Indian mountaineer.
Ang Hillary Step yara sa death zone, isa ka lugar sa tunga sang 8,000-metros-kataas nga South Col kag sang putukputukan sang bukid sa diin may diutay nga hangin kag manubo nga lebel sang oksiheno, nga nagadugang sang risgo sang altitude sickness.
Sa subong, ginatinguhaan nga mapanaug sa base camp ang bangkay sang napatay nga Indian national. Suno kay Bhandari, mahibaluan ang kabangdanan sang iya kamatayon matapos nga mapatigayon ang postmortem.
Suno sa opisyal sang departamento sang turismo sa Nepal nga si Himal Gautam, si Santago ginkapoy sang nakalab-ot sia sa Camp IV kag nagtaliwan samtang nagapahuway sa iya tolda.
Sa karon, masobra 50 ka mga climbers ang madinalag-on nga nakalab-ot sa putukputukan sang bukid humalin sang ginbuksan ang ruta sang nagligad nga semana.
