ROXAS CITY – Patay ang Indian National matapos ginluthang ang iya kaugalingon sa St. Francis Subdivision, Barangay Tanque Roxas City.
Ang biktima ang naga-edad sang 34 anyos, may asawa.
Sa interview sang Bombo Radyo Roxas kay Police Lieutenant Colonel Ricardo Jomuad Jr., hepe sang Roxas City Police Station, iya ginpahayag nga nasapwan ng biktima ang isa misis sa sulod sang kwarto sini nga may pilas sa ulo nga tuga sang pagkaluthang.
Suno kay Jomuad, nakita sang misis ang .45 caliber pistol nga armas nga ginakaptan pa sang biktima sang ini ang nasapwan.
Ginbulgar man sang misis nga masami nga nagalahog ang iya bana nga luyag sini mahibaluan ang pamatyagan kun ini ang mapatay.
Natukiban nga may brain tumor ang biktima kag posible nga bangud sa financial problem, ginluthang sini ang iya kaugalingon.
Wala naman sang foul play nga nagluntad sa insidente.
Sa subong, yara na sa punerarya ang bangkay sang biktima.
