Iñigo Pascual, nag-evacuate naman bangud sa wildfire sa LA

Nag-evacuate naman ang lokal celebrities nga si Iñigo Pascual nga naapektuhan sang wildfire sa Los Angeles, California.

Sa social media account sang singer, ginpakigbahin sini nga nag-evacuate siya kaupod ang iya pamilya.

Nagpasalamat naman ini sa mga fans kag himata nga nagapangayo sa iya sang update.

Ginapangamuyo sini ang tanan nga mga naapektuhan sang sunog kun sa diin nagalaum siya nga matapos na ang ila na-eksperyensyahan.

Matandaan nga naglab-ot na masubra 8,000 nga mga hektarya sang kadutaan ang natupok sang kalayo sa Pacific Palisade kag kalapit nga lugar sa Los Angeles.