May posibilidad nga indi magtuman ang pungsod Iran sa 48 hour ultimatum ni US President Donald Trump agud buksan sini ang Strait of Hormuz.
Suno kay Bombo Joseph Timothy Rivera, International Correspondent direkta sa Qatar, ginapanindugan sang pungsod Iran nga indi sirado ang Strait of Hormuz apang limitado lamang nga mga barko sang pungsod ang ginapasugtan nga maglabay.
Nahibaluan nga nagpagwa sang pamahog si Trump nga kun indi magsunod ang Iran, pagabombahon sini ang mga tulay kag pasilidad sang nasambit nga pungsod.
Pahayag pa niya, nakabatyag sila sang pagkabalaka bangud may tsansa nga ibalik man sang Iran ang mangin danyos nga ibilin sang Estados Unidos sang Amerika paagi sa pag-atake man sang tanan nga mga kaalyado sa gulf countries gani posible nga maka-agum naman ang pungsod Qatar sang airstrike.
Sa subong, gin-extend ni Trump sang dugang nga 24 oras ang iya sini nga deadline sa Iran angut sa pagbukas ang nasambit nga strait.
Nagalaum man ang natungdan nga makig-coordinate na ang Iran kag magtambong sa peace talks agud gilayon na nga ma-untat ang giyera sa tunga sang duha ka pungsod.
