ROXAS CITY – Isa ka puno sang marijuana ang nadiskubrehan sang isa ka BPAT member nga magapangahoy sa isa ka maligwin nga lugar sa Barangay Dinginan, Roxas City.
Suno kay BPAT member Arne Agusan nga magapangahoy kuntani ini sang makita ang isa ka puno sang marijuana nga ginbutang sa kaldero nga nagserbe nga flower pot.
Nagduda ini nga marijuana ang nasambit nga tanum bangud malayo ini sa kabalayan
Ginpahibalo man ni Agusan ang mga kaupdanan kag mga opisyales sang barangay sa nakita nga gilayon ginpadulungan ang lugar.
Nagapati ini nga hungod nga gintanum kag gintago ang marijuana sang wala pa nakilala nga tawo kag posible nga ginabisita lamang niya ini.
Samtang suno naman kay Police Master Sergeant Ramil Arcangeles nga tatlo ka bulan pa lamang ang tanum nga marijuana nga bag- o nga harvest lamang sang makita ini bangud lunsay magagmay na lamang nga dahon ang nabilin.
Sa karon yara sa kostodiya sang Roxas City PNP ang puno sang marijuana kag padayon ang imbestigasyon sang mga otoridad agud matumod ang nagapanag-iya sang amo nga tanum
