Isa pa ka tag-iya sang balaligyaan sa Brgy. Cagay, maaswerte nga wala mabiktima sang foreigner

ROXAS CITY – Maswerte nga wala mabiktima ang isa pa ka tag-iya sang tindahan sang ginapahayag foreigner nga nagapangbudol sa Barangay Cagay, Roxas City.

Sa interview sang Bombo Radyo kay Jingjing Acuyado, ginpahayag sini nga sang nag-abot sa ila tindahan ang foreigner gilayon ini nga naghinyo kung mahimo nga makita ang hitsura sang P20.00, P50.00, P100.00, kag P500.00.

Suno diri nga matapos nila ginpakita sa dumuluong ang kwarta liwat naman ini nga nagpangita sang P1,000.00 nga may serial no. PP kabaylo sang $50.

Pahayag ni Acuyado, bangud madamo na nga indibidwal ang nagdugok sa ila gilayon nga naglakat ang foreigner nga kaangay nagasako.

Mensahe sini sa publiko nga mangin aligmat ilabi na sa mga tag-iya sang tindahan.