Isa ang patay kag isa ang pilason sa vehicular accident sa tunga sang duha ka mga motorsiklo sa Barangay Poblacion, Dumalag Capiz.
Ang napatay amo si alyas “Jhon,” ara sa legal nga pang-edaron kag residente sang Barangay Dolores, sang amo nga banwa.
Samtang ang pilason naman amo si alyas “Albert,” empleyado sang Local Government Unit sang banwa kag residente sang Barangay Poblacion sa amo nga lugar.
Base sa inisyal nga impormasyon nga nakuha sang Bombo Radyo sa Dumalag Municipal Police Station, na-alang-alang ang isa ka sa motorsiklo rason nga naglapaw ini sa linya kag nakabunggo sa nakasugata man nga motorsiklo.
Bangud sa impact, nagtabog ang duha ka mga driver sa dalan kag nag-angkon sang nagkalain-lain nga pilas sa lawas.
Gilayon nga gindala sa ospital ang duha, apang wala na gid matabangan alyas “Jhon,” ginbawian gid ini sang kabuhi.
