ROXAS CITY – Yara karon sa kostodiya sang barangay kapitan sang Barangay Baybay, sining syudad ang isa sa mga kawatan sang gasolina matapos nadakpan.
Nangin alagyan ang CCTV camera, para makilala ang isa sa mga nagapangawat sang gasolina sa mga tricycle sa Barangay Baybay, sining syudad kay Joseph Apa-ap 20-anyos sang Barangay Tanque, Roxas City.
Wala na nakapanginwala ang suspek bangud maathag ang kuha sa CCTV camera kag nakita mismo ang ila ginhimo sang kaupod nga si alyas Joker nga nagapabilin nga at-large sa karon.
Duha ka mga tricycle ang ginagamit nanday Apa-ap kag ni alyas Joker sa pagpangawat sang gasolina sa mga tricycle nga naka-parked lamang sa guwa sang ila balay sa Barangay Baybay.
Nahibaluan nga pila na ka mga tricycle drivers ang nabutang sa alang alang sa pagbiyahe bangud ulihi na nila nga natatapan nga wala na sang unod nga gasolina ang ila mga tricycle, bangud ini ang gin-ubos kawatan sang mga kawatan.
