Nabawi na sang Israel military ang bangkay sang nabilin nga hostages lakip na ang bangkay ni Master Sgt Ran Gvili sa Gaza.
Suno sa ceasefire agreement, natalana kuntani nga ibalik sang Hamas ang tanan nga bihag sa sulod sang 72 oras halin sa implementasyon sang ceasefire.
Lakip diri ang buhi nga mga bihag nga Israel kag ang mga bangkay sang 27 ka mga Israelis kag mga bihag nga dumuluong nga gintugyan sang nagligad nga pila ka semana.
Ginakabig naman ni Israeli Prime Minister Benjamin Netanyahu nga isa ka pinasahi nga kadalag-an ang pagbalik sang bangkay ni Gvili.
Nahibaluan nga humalin sang Oktubre ila na ginapangita ang bangkay ni Master Sgt Ran Gvili.
Samtang, suno kay Hamas spokesman Hazem Qassem, ang pagkarekober sang bangkay ang nagpamatuod sang ila seryoso nga commitment sa ceasefire deal.
