-- ADVERTISEMENT --
ROXAS CITY – Wala sa gihapon ginpahamtangan sang suga kag guwardiya nga magaserbe kuntani nga sanag kag bantay sa sulod sang merkado publiko sa banwa sang Ivisan.
Sa pagpakig-angut sang Bombo Radyo sa pila ka mga vendors, ila ginpahayag nga sila na lamang ang nagmatu-mato butang sang ila kaugalingon nga suga kag pagpabakod sang proteksyon sang ila tagsa ka puwesto.
Matandaan duwa ka insidente sang pagpangawat ang nagluntad sa nasambit nga mercado kun sa diin mga menor de edad ang nagkaladakpan sa una samtang lunsay sa legal nga pang-edaron naman ang ginaalegar nagpangawat sa ikaduwa nga nakita sa CCTV.
Padayon naman ang pagpatrolya sang Ivisan PNP agud magbantay sa palibot ilabi na Ivisan Public Market.
